ગોવર્ધનરામ ત્રિપાઠીની લક્ષ્યાલક્ષ્ય મીમાંસા

મારા આ શોધપત્રમાં ગોવર્ધનરામ ત્રિપાઠીની નવલકથા સરસ્વતીચંદ્રના ભાગ-3 ના પ્રકરણ -6 લક્ષ્યાલક્ષ્યરહસ્યવિવરણ; સ્વપ્ન, જાગ્રત અને પાછું સ્વપ્ન. માં દર્શાવેલ જીવ અને પરમાત્માનો સબંધ, આત્મા અને પરમાત્માનું ઐક્ય લક્ષ્ય અને અલક્ષ્યના સિધ્ધાંત દ્વારા રજૂ કરું છુ જેમાં જીવ – ઈશ્વરને લક્ષ્ય અથવા લખ કહેવામા આવે છે અને એ પ્રાકૃત ચર્મચક્ષુ ઉપાધિહીન બ્રહ્મ ને દેખતું નથી માટે બ્રહ્મને અલક્ષ્ય અથવા અલખ કહેવામાં આવે છે. ગોવર્ધનરામ લક્ષ્યવાદમાં શાંકરવેદાંતમાં પાડવામાં આવતાં જીવ-ઈશ્વર અને બ્રહ્મના ભેદનો અને એ ત્રણ તત્વના અંતિમ અદ્વેતનો સ્વીકાર કરે છે.