ગુજરાતના કેળવણીકારોનું મૂલ્ય ચિંતન

કોઈપણ સમાજ, દેશ અને કાળમાં કોઈક માણસ યા કેટલાક માણસો જો કેળવણી વિશે વિચારે, વિચારીને કેળવણી વિશે બોલે કે લખે તો તેના દ્વારા સમય, સમાજ અને દેશની શૈક્ષણિક પરીસ્થિતિનું વાસ્તવલક્ષી ચિત્ર તાદ્શ થાય છે. ગુજરાતના શિક્ષણને ચણનાર અને ઘડનાર આવી શિક્ષણ વિભૂતિઓએ પોતાની અનુભવજન્ય શિક્ષણયાત્રાને અનુભવકથાઓ રૂપે આલેખિત કરી છે. જે શિક્ષણના સતયુગમાં ડોકિયું કરાવીને શિક્ષણયાત્રાના સાથીઓને સત-અસતના કાર્યોથી અવગત કરે છે.